Keen plattdüütsche Deern
Ik bün keen plattdüütsche Deern.
Ik koom ut Sachsen.
Al as Kind harr ik keen Spitznomen.
Ik weer – bi familie un frünn´ –
de Lisei, vun Pole Poppenspeeler.
Un mien leevste Sendung in´t Radio DDR
weer de Käpt´n Briese.
As junge Deern häff ik ümmer
vun de Elvmündung dröömt.
Un nu
– siet vieln Johrn –
leev ik door.
Un nu bring ik jüm
– mit mien Vertelln –
een Stück in Richtung Quelle.
Gedanken
Schall un Rook?
Se breekt dörch
Muern un Grenzen
loopt flinker
as Breefdrägers
un Internet
von Minsch to Minsch
küselt sik
witt – vull Höpen
hooch na´n Heven
Wöör
gaht op Drift
doot weh
un maakt heel
dreept
mit Sekerheit
merrn
in´t Hart
Übertragung ins Niederdeutsche: Christa Heise-Batt (Kulturpreisträgerin Norderstedt)